Бусел - адзін з самых частых вобразаў беларускай традыцыйнай духоўнай культуры.
Дзейнасць сямейнага калектыву Леснікоўскага Дома Фальклору скіравана на зберажэнне народных традыцый і абрадаў роднага краю. Візітка калектыву - каляндарны абрад "Кліканне буська". Вялікім святам лічылася стаць сведкам прылёту бусла. У Драгічынскім раёне, калі ўпершыню бачылі белую птушку, то клікалі : "Бусько, бусько, на Тобі галёпу, а ты мыні дай жыта сторону, на Тобі сырпа, дай мыні жыта снопа". Галёпы - пшанічныя пірагі ў выглядзе бусла. У гэты дзень забаранялася гарадзіць плот, убіваць у зямлю колле, вывозіць гной ў поле. Жанчыны не расчэсвалі валасы, каб "куры рассаду не дралі". Пасля абеду звычайна "гукалі вясну".
